РеспубликаИкътисад

Икътисад

Гомуми мәгълүмат

 

Татарстан – Россиянең икътисадый яктан иң нык үскән төбәкләренең берсе. Республика РФ эре индустриаль районының үзәгендә, илнең көнчыгыш һәм көнбатышын, төньяк һәм көньягын тоташтыручы мөһим магистральләр кисешендә урнашкан.

Татарстан Республикасы бай табигый ресурсларга, куәтле һәм диверсификацияләнгән сәнәгатькә ия, монда югары интеллектуаль потенциал һәм квалификацияле эшче көчләр бар.

Татарстан Республикасы Россиянең 2,2% авыл хуҗалыгы җирләреннән файдаланып, барлык авыл хуҗалыгы продукциясенең 5% ын җитештерә.

Тулай төбәк продукты структурасында сәнәгать өлеше 44,1%, төзелеш – 8,6%, транспорт һәм элемтә – 7,7%, авыл хуҗалыгы – 7,1% тәшкил итә.

Республиканың сәнәгать профилен нефть-газ химиясе комплексы (нефть чыгару, синтетик каучук җитештерү, шиннар, полиэтилен һәм нефтьне эшкәртүнең киң спектры продуктлары), конкуренциягә сәләтле продукция җитештерүче машиналар төзү эре предприятиеләре (авыр йөк ташу машиналары, вертолетлар, самолетлар һәм авиадвигательләр, компрессорлар һәм нефть-газ куу җиһазлары, елга һәм диңгез суднолары, коммерциячел һәм җиңел автомобильләр), шулай ук нык үскән электр һәм радио приборлары төзелеше билгели.

Татарстан тулай төбәк продукциясендә кече һәм урта эшкуарлык өлеше 25% чамасы тәшкил итә.

Татарстан Республикасында технопарклар челтәре актив үстерелә. «Идея» инновация-производство технопаркы» ябык акционер жәмгыяте, «Мастер» КИП индустриаль мәйданчыгы, IT– парк, «Химград» технополисы уңышлы эшләп килә.

2005 ел ахырында сәнәгать–җитештерү тибындагы «Алабуга» махсус икътисадый зонасы төзелде, бүген анда 42 резидент санала.

«Алабуга» МИЗ резидентларына түбәндәге салым ташламалары каралган:
  • керемгә салым ставкасын стандарттагы 20% урынына 13,5%ка кадәр киметү;
  • транспорт чарасын теркәгән көннән ун ел дәвамында транспорт салымыннан азат итү;
  • бухгалтерлык хисабында мөлкәтне теркәгән көннән алып ун ел дәвамында мөлкәткә салымнан азат итү;
  • МИЗ территориясендә урнашкан җирләргә ун ел дәвамында җир салымыннан азат итү;
  • салым салу өчен югарырак амортизация ставкасы кулланылырга мөмкин (аерым алганда, амортизация чигерүләренең стандарт формасы нормадан ике тапкыр югары була алмый).